ՄԵՐ ՄԱՍԻՆ

Արտյոմ Սահակյան՝
«Արևի Շող» ՀԿ-ի շահերի պաշտպան

 Սույն թվականի փետրվարի 25-ին տեղի ունեցավ “Արևի Շող”  ՀԿ-ի բացման արարողակարգը: “Արևի Շող” ՀԿ-ն մեծագույն սիրով հյուրընկալեց “Մենք կարող ենք”, “Սպիտակ Բազե”, “Հույսի Կամուրջ”, “Սկարպ”, գործընկեր ՀԿ-ներին: Բացման ողջույնի խոսքը հղեց “Առաքելություն Արևելք” կազմակերպության նախագահ Րաֆֆի Դուդաքլյանը: Բազմաթիվ հյուրերի մեջ էր նաև “Տիգրան Մեծ” ռազմամարզական վարժարանի տնօրեն՝ Կորյուն Ղումաշյանը, Արմավիրի մարզի կարատեի ֆեդերացիայի նախագահ՝ Գարիկ Եփրեմյանը, Մ. Սարյանի անվան գեղարվեստի դպրոցի ուսուցչուհի ՝ Նելլի Նիկոյանը: Նրանք ևս ողջունեցին "Արևի Շող" ՀԿ-ին և հղեցին իրենց բարեմաղթանքները: 

"Սատար" ՀԿ-ի նախագահի կողմից հանդիսավոր կերպով պատվոգիր շնորհվեց "Արևի Շող" ՀԿ-ի շահերի պաշտպան՝ Արտյոմ Սահակյանին՝ հայրենիքին անձնվեր ծառայելու համար: 

Արմավիրի մարզի կարատեի ֆեդերացիայի նախագահ՝ Գարիկ Եփրեմյան

Գրասենյակի բացման հաջորդ օրը "Արևի Շող" ՀԿ ներկայացավ մի կին և իր ամուսնու համար հենակ խնդրեց: Նրա ամուսինը ՝64-ամյա Գառնիկ Դանիելյանը արդեն երկար տարիներ է ինչ ձեռք է բերել հաշմանդամություն և ունի ինքնուրույն տեղաշարժվելու խնդիր: Նա ամաչում է տանից դուրս գալ, քանի որ պետք է ձեռքից բռնել, որ քայլի: Պատճառը հենակ չունենալն է: "Արևի շող" ՀԿ-ն սիրով տրամադրեց 2 հենակ, որը "Արևի Շող" ՀԿ-ին նվիրաբերել էր գործընկեր՝ "Սատար" ՀԿ-ն:

ԼՂՀ Նախագահի 2013 հրամանագրով Արտյոմ Սահակյանը պարգևատրվել է
Մարտական Ծառայության մեդալով

“Տիգրան Մեծ” ռազմամարզական վարժարանի տնօրեն՝ Կորյուն Ղումաշյանը (կենտրոնում)

2013 թվականի հուլիսին «Հույսի կամուրջ» և «Սկարպ» ՀԿ-ների կողմից իրականացվող «Լսելի դարձնել հաշմանդամության ձայնը» ծրագրի շրջանակում «Առաքելություն Արևելք» հայաստանյան գրասենյակի աջակցությամբ ստեղծվեց հաշմանդամություն ունեցող անձանց կողմից ղեկավարվող 7 կազմակերպությունները, որոնք անդամակցում 

են Հաշմանդամություն ունեցող անձանց շահերի պաշտպանության ազգային դաշինքին: 

Այդ կազմակերպություններն են ՝

·        «Արևի Շող»` Արմավիր (ղեկավար` Գարիկ Մագթաղյան),

·       «ՄԱՆ – Միասնության Արևահամ Նեկտար»` Վանաձոր (ղեկավար` Ֆիլետա Ներսիսյան),

·       «Սպիտակ Բազե»` Սպիտակ (ղեկավար` Մարինե Ասատրյան),

·       «Մենք Կարող Ենք»` Երևան (ղեկավար` Արմինե Սահակյան),

·       «Լռության Ձայն»` Երևան (ղեկավար` Արթուր Կարոյան),

·       «Կանթեղ Արագածի»`Ապարան (ղեկավար` Անահիտ Խալաթյան),

·       «Միասին»` Արարատ (ղեկավար` Տիգրան Շիրինյան): 

“Առաքելություն Արևելք” կազմակերպության նախագահ Րաֆֆի Դուդաքլյան

<< Վերադառնալ Գլխավոր էջ